"Xəzər Lənkəran" yetirməsi olan Mahsun Qənbərli karyerasına "Baku Fire" komandasında davam etdirəcək.

Bu barədə Pressing.az-a etibarlı mənbədən məlumat daxil olub.

Son klubu I Divizion təmsilçisi "İmişli" olan futbolçu komanda qarşılıqlı razılaşma əsasında komandası ilə müqaviləsinə xitam verib.

Məsələni dəqiqləşdirmək üçün Qənbərlinin özü ilə əlaqə saxladıq:

"Xan Lənkəran"ın I Diviziona buraxılmamasından sonra hər kəs bir yerlərə getdi. Məndə böyük ümidlərlə "İmişli" ilə müqavilə imzaladım. Amma olmadı, alınmadı. Komandadan ayrılmaq ən doğrusu oldu. Bildiyiniz kimi, bir müddət əvvəl də futzalda oynamışam. İndi də qarşıma belə bir imkan çıxdı. Mən də yararlandım. Hazırda "Baku Fire"də çıxış edirəm. Region liqasında bir çox klublardan təkliflər olsa da, AFFA-nın qaydalarına əsasən peşəkar müqaviləm olduğum üçün bu mövsüm sonuna qədər heç bir klubda oynaya bilməyəcəm. Ona görə də bu təkliflərdən də yararlana bilmədim".

Qeyd edək ki, Mahsun Qənbərli keçən mövsüm "Xan Lənkəran"ın kapitanı olub.

Elsevər