"Sabah" klubunda ayrılıq yaşana bilər.

Pressing.az-ın əldə etdiyi məlumata görə, Masazır təmsilçisi ispaniyalı hücumameyilli yarımmüdafiəçisi Kristian Sebalyosla yollarını ayırmağa hazırlaşır.

Yaydan bəri zədədən əziyyət çəkən 31 yaşlı futbolçu qış fasiləsində "bayquşlar"ın sıralarını tərk etməyə yaxındır.

Yaxın günlərdə tərəflər qarşılıqlı razılaşma əsasında müqaviləyə xitam verə bilər.

Qeyd edək ki, Sebalyosun qəsəbə klubu ilə müqaviləsi 2024-cü ilin 30 iyununadək qüvvədədir.

Onu da bildirək ki, ispan oyunçu "Barselona" klubunun yetirməsidir.

Pressing.az