"Sabah" klubu futbolçusu Abdulla Rzayevə qiymət qoyub.

Pressing.az-ın əldə etdiyi məlumata görə, Masazır təmsilçisinin 21 yaşlı sağ cinah müdafiəçisini rənglərinə bağlamaq istəyən klub 100 min manatından keçməli olacaq.

"Bayquşlar" Rzayevi sıralarına qatacaq klubla şərt də kəsəcək. Belə ki, "Sabah" istədiyi vaxt təzminat ödəyib, gənc futbolçunu geri qaytara bilər.

Bildirək ki, adıçəkilən oyunçu hazırda icarə əsasında "Araz-Naxçıvan"da top qovur. Onun Naxçıvan klubu ilə müqaviləsinin müddəti 2024-cü ilin 30 iyununadək qüvvədədir.

Pressing.az