"Qarabağ" "Qəbələ" ilə ortaq məxrəcə gələ bilmir - SƏBƏB

"Qarabağ" klubu heyətini yeni futbolçu ilə gücləndirmək istəyir.

Pressing.az-ın əldə etdiyi məlumata görə, yerli oyunçu ehtiyatını artırmağı hədəfləyən Ağdam təmsilçisi "Qəbələ"nin mərkəz yarımmüdafiəçisi Emil Səfərovu rənglərinə bağlamaq niyyətindədir.

Bir müddətdir ki, keçidin həll olunmasına çalışan "köhlən atlar" hələ ki buna nail ola bilməyib. Buna səbəb isə maliyyə məsələsidir. Belə ki, ağdamlılar 21 yaşlı futbolçu üçün qarşı tərəfə 250 min manat təklif edir. "Qəbələ" isə bu məbləğlə razılaşmır.

Buna görə də Səfərovun keçidi ləngiyir.

Qeyd edək ki, gənc futbolçunun "Qəbələ" ilə 2025-ci ilin 30 iyununadək müqaviləsi var.

Pressing.az