Azərbaycan futbolunda inanılmaz olay: hesab katastrofik həddə çatdı, oyun DAYANDIRILDI

AFFA Yüksək Qızlar Liqasında keçirilən "Neftçi" - "Balxurma" (Balakən) matçı yarımçıq dayandırlıb.

Səbəb isə olduqca maraqlıdır. Belə ki, "ağ-qaralar"ın baş məşqçisi hesab 23:0 olunca, rəqibə jest əlaməti olaraq oyunun dayandırılmasını istəyib.

Onun bu istəyi nəzərə alınıb və görüşün baş hakimi vaxtından əvvəl final fitini səsləndirib.

Qarşılaşmada şahidi olduğumuz digər maraqlı məqam isə Balakən təmsilçisinin qapıçısının əlcəksiz oynaması idi. "Neftçi" tərəfi bu məsələyə də biganə qalmayıb. Paytaxt təmsilçisi ikinci hissə başlayanda, ehtiyat qapıçılarının əlcəyini rəqib həmkara təhvil verib.

Elsevər Muradzadə