AFFA U-17 Qızlar Liqasında insident: "Neftçi"nin futbolçuları rəqibi və hakimi döydülər - EKSKLÜZİV VİDEO

AFFA U-17 Qızlar Liqasında yarımfinal mərhələsinin ilk oyunu keçirilib.

Pressing.az xəbər verir ki, "Dinamo Balakən" doğma divarlar arasında "Neftçi"ni qəbul edib.

Matçın ikinci hissəsində insident yaşanıb. Belə ki, "ağ-qaralar"ın iki futbolçusu xoşagəlməz hərəkətlərə yol verib. Əvvəlcə 8 nömrəli oyunçu Aida Oskina yumruq, təpiklərini işə salaraq rəqibə xəsarət yetirib. Təcavüzkar davranışına görə qonaqların futbolçusu qırmızı vərəqə alıb. Daha sonra isə 7 nömrəli futbolçu Aylin Kərimova görüşün hakimini arxadan vurub. Lakin baş hakim nədənsə həmin futbolçunu meydandan qovmayıb.

Qeyd edək ki, qarşılaşma meydan sahiblərinin 3:2 hesablı qələbəsi ilə başa çatıb.

Həmin anların videosunu təqdim etdiyimiz linkə daxil olaraq izləyə bilərsiniz: AFFA U-17 Qızlar Liqasında insident

Elsevər Muradzadə