Birinci Liqada keçirilən və hazırda davam edən "İmişli" - "Qaradağ Lökbatan" matçında insident yaşanıb.

Pressing.az-ın İmişli şəhər stadionuna ezam olunmuş əməkdaşının məlumatına görə, meydan sahibləri qarşılaşmanın 41-ci dəqiqəsində qol vurublar. Lakin hesab qaydalar çərçivəsində açılmadığına görə qolu ləğv edən baş hakim İnqilab Məmmədov matçı dayandırıb. Buna səbəb isə yerli komandanın azarkeşlərinin meydançaya yad əşyalar atması olub. Daha sonra isə"Qaradağ Lökbatan"ın futbolçuları arasında mübahisə yaşanıb. Bu azmış kimi, "İmişli" azarkeşəri meydançaya daxil olublar.

Stadionun diktoru tərəfindən dəfələrlə fanatlara çağırış olunsa da, azarkeşlər buna məhəl qoymayıblar. Bu səbəbdən oyunda təxminən 11 dəqiqəlik fasilə yaranıb.

Hazırda oyun bərpa edilib və hesab 0:0-dır.

Həmin anların videosunu təqdim etdiyimiz linkə daxil olaraq izləyə bilərsiniz.

Elsevər Muradzadə/İmişli