"Şamaxı"nın hücumçusu: "Bu, sadəcə başlanğıcdır" – AÇIQLAMA
"Şamaxı" Misli Premyer Liqasının ilk turu çərçivəsində ötən gün səfərdə "Qarabağ"a məğlub olub - 1:3.
Matçdan sonra qonaq komandanın mərakeşli mərkəz hücumçusu Ayman Bouali Pressing.az-ın suallarını cavablandırıb.
– Oyun barədə fikirləriniz...
– Çempionatda ilk matçımıza çıxdıq. Təəssüf ki, məğlub olduq. Lakin bu, sadəcə başlanğıcdır. Asan rəqibə qarşı oynamırdıq. Bizə qədər bu komanda artıq 6 rəsmi matça çıxıb. Biz ilk matçı geridə qoyduq. Qarşıdakı oyunlarda daha yaxşı nəticə üçün çalışmalıyıq.
– Buraxılan qoldan sonra hesabı bərabərləşdirməyi bacardınız. Qələbə üçün nə çatmadı?
– Əlimizə düşən fürsətdən istifadə edə bilmədik. Ən az 1 xal qazana bilərdik. Lakin ikinci hissədə rəqib bizə nisbətdə daha yaxşı oyun keçirdi. Bu matçı uduzduq. Lakin qarşıdakı oyunlara daha yaxşı hazırlaşacağıq.
– "Şamaxı"nın bu mövsüm hədəfi nədir?
– Hər oyun bizim üçün təcrübədir. İmkanlarımızdan maksimum istifadə etməyə çalışırıq. Məqsədimiz yaxşı oyun sərgiləməkdir.
– Əsas hədəflər arasında növbəti mövsüm avrokuboklarda çıxış etmək yer alır?
– Şəxsən mənim üçün bu əsas hədəflərdəndir. Komanda olaraq bu mövqeyə gəlmək üçün çalışırıq.
– Öz çıxışınız barədə nə deyə bilərsiniz? İlk turda "Qarabağ"a qarşı sərgilədiyiniz oyun sizi qane edir?
– Çıxışımdan razıyam. 45 dəqiqə oynamaq imkanı əldə etdim. Komandaya bir qədər gec qoşulmuşam. İlk matç üçün bacardığımı etməyə çalışdım.
– "Şamaxı" azarkeşlərinə nə demək istərdiniz?
– Onlara demək istəyirəm ki, arxayın olsunlar, daha güclü "Şamaxı" görəcəklər. Bizi dəstəkləməyə davam edin. Bu mövsüm daha yaxşı oyunumuzu ortaya qoyacağıq.
Azad Nuriyev
Matçdan sonra qonaq komandanın mərakeşli mərkəz hücumçusu Ayman Bouali Pressing.az-ın suallarını cavablandırıb.
– Oyun barədə fikirləriniz...
– Çempionatda ilk matçımıza çıxdıq. Təəssüf ki, məğlub olduq. Lakin bu, sadəcə başlanğıcdır. Asan rəqibə qarşı oynamırdıq. Bizə qədər bu komanda artıq 6 rəsmi matça çıxıb. Biz ilk matçı geridə qoyduq. Qarşıdakı oyunlarda daha yaxşı nəticə üçün çalışmalıyıq.
– Buraxılan qoldan sonra hesabı bərabərləşdirməyi bacardınız. Qələbə üçün nə çatmadı?
– Əlimizə düşən fürsətdən istifadə edə bilmədik. Ən az 1 xal qazana bilərdik. Lakin ikinci hissədə rəqib bizə nisbətdə daha yaxşı oyun keçirdi. Bu matçı uduzduq. Lakin qarşıdakı oyunlara daha yaxşı hazırlaşacağıq.
– "Şamaxı"nın bu mövsüm hədəfi nədir?
– Hər oyun bizim üçün təcrübədir. İmkanlarımızdan maksimum istifadə etməyə çalışırıq. Məqsədimiz yaxşı oyun sərgiləməkdir.
– Əsas hədəflər arasında növbəti mövsüm avrokuboklarda çıxış etmək yer alır?
– Şəxsən mənim üçün bu əsas hədəflərdəndir. Komanda olaraq bu mövqeyə gəlmək üçün çalışırıq.
– Öz çıxışınız barədə nə deyə bilərsiniz? İlk turda "Qarabağ"a qarşı sərgilədiyiniz oyun sizi qane edir?
– Çıxışımdan razıyam. 45 dəqiqə oynamaq imkanı əldə etdim. Komandaya bir qədər gec qoşulmuşam. İlk matç üçün bacardığımı etməyə çalışdım.
– "Şamaxı" azarkeşlərinə nə demək istərdiniz?
– Onlara demək istəyirəm ki, arxayın olsunlar, daha güclü "Şamaxı" görəcəklər. Bizi dəstəkləməyə davam edin. Bu mövsüm daha yaxşı oyunumuzu ortaya qoyacağıq.
Azad Nuriyev
