Geridə qoyduğumuz mövsüm çempionatın gümüş medallarını boynundan asan "Zirə" ölkəmizi ardıcıl ikinci ildir avrokuboklarda təmsil etmək hüququna yiyələnib.

Fəqət bununla belə, qəsəbə təmsilçisinin daxilində işlər rəvan getmir.

Pressing.az-a daxil olan informasiyaya görə, klub rəhbərliyi bəzi maliyyə öhdəliklərini yerinə yetirə bilmir.

Belə ki, bir neçə sahibkar qarşısında öhdəliyi olan klub aylardır ki, bunun altından çıxa bilmir.

Başı Azərbaycanda keçirilən minifutbol üzrə dünya çempionatına qarışan "Zirə" rəhbərliyi bir növ maliyyə öhdəkiləri olduğu sahibkarları unudub.

Aylardır ki, bir çox sahibkar onlara çatmalı olan maliyyəni ala bilmir.

Tarıyel
Pressing.az