Azərbaycan millisinin üzvü Şahruddin Məhəmmədəliyevin də formasını geyindiyi "Adana Demirspor"da maliyyə sıxıntısı yaşanır.

Belə ki, Türkiyə klubu 4-5 aydır ki, futbolçuların maaşlarını qarşılaya bilmir.

Buna baxmayaraq, Məhəmmədəliyev Super Liqa təmsilçisinin sıralarını mövsümün sonunadək tərk etməyəcək.

Pressing.az-ın əldə etdiyi informasiyaya görə, 29 yaşlı "əlcək sahibi" cari mövsüm bitənə qədər "mavi-şimşəklər"in uğurları üçün çalışacaq.

Bildirək ki, azərbaycanlı qolkiper "Adana Demirspor"a bu ilin sentyabrında "Qarabağ"dan keçib. Onun klubla 2025-ci ilin 30 iyununadək müqaviləsi var.

Əlavə edək ki, artıq bir neçə futbolçu məvaciblər vaxtlı-vaxtında verilmədiyi üçün Adana təmsilçisinin sıralarını tərk edib.

Pressing.az