Şahruddinin komandası uduzdu
Dünya Futbolu
14-01-2024, 10:30
Azərbaycan yığmasının qapıçısı Şahruddin Məhəmmədəliyevin də formasını geyindiyi "Adana Demirspor" bu gün Türkiyə Superliqasında 20-ci tur oyununa çıxıb.
Pressing.az xəbər verir ki, Adana təmsilçisi səfərdə "Rizespor"la qarşılaşıb. Matçda meydan sahiblərinin 1:0 hesablı qələbəsi ilə başa çatıb. Şahruddin Məhəmmədəliyev meydana start heyətdə çıxıb və sonadək oynayıb.
Qeyd edək ki, "Adana Demirspor" hazırda Superliqanın turnir cədvəlində 29 xalla 6-cı, "Rizespor" isə 32 xalla 5-ci pillədə qərarlaşıb.