Şahruddin Məhəmmədəliyevin formasını geyindiyi "Adana Demirspor" hücum xəttini yeni oyunçu ilə gücləndirib.

Pressing.az xəbər verir ki, Super Liqa təmsilçisi azad agent statusunda olan Mario Balotellini rənglərinə bağlayıb. Bu barədə klubun mətbuat xidməti məlumat yayıb.

Son klubu İsveçrə "Sion"u olan 33 yaşlı hücumçu Türkiyə təmsilçisi ilə 1+1 illik müqavilə imzalayıb.

Qeyd edək ki, Mario Balotelli 2021/2022 mövsümündə "Adana Demirspor"da çıxış edib. İtaliya millisinin sabiq üzvü "mavi şimşəklər"in heyətində keçirdiyi 35 rəsmi matçda 19 qol və 7 məhsuldar ötürmə ilə yadda qalıb.