Xəbər lenti

"Arsenal" klubu hücum xəttini yeni oyunçu ilə gücləndirib.

Pressing.az xəbər verir ki, London təmsilçisi "Çelsi"dən Noni Maduekeni transfer edib. Bu barədə klubun mətbuat xidməti məlumat yayıb.

23 yaşlı futbolçu ilə 5 illik müqavilə imzalanıb. İngiltərəli yarımmüdafiəçi üçün "Çelsi"yə 55+5 milyon avro təzminat ödəniləcək.

Qeyd edək ki, İngiltərə millisinin üzvü ötən mövsüm "Çelsi"nin heyətində 46 rəsmi matçda 11 qol vurub və 5 məhsuldar ötürmə edib.