Rüstəm Əhmədzadə: "Qarabağ"la danışacam" – AÇIQLAMA

Bugünlərdə "Zirə" ilə icarə müqaviləsinin müddəti başa çatan və "Qarabağ"a geri dönən Rüstəm Əhmədzadə Pressing.az-a açıqlama verib.

24 yaşlı sol cinah vingeri "qartallar"ın geridə qoyduğumuz mövsümdə olduqca uğurlu çıxış etdiyini bilddirib:

"Zirə"nin yaxşı mövsüm keçirdiyi qənaətindəyəm. Komanda yaxşı nəticə göstərdi. Fikrimcə, "Zirə"nin bu mövsüm Konfrans Liqasında qrupa düşməyə çox yaxşı şansı var. Bəli, ölkə kubokunda çox irəli gedə bilmədik, amma ümumilikdə mövsüm yaxşı keçdi, 2-ci yeri tutduq. Özü də bu, çox böyük fərqlə oldu. Mövsüm bitməmiş "gümüş"ü təmin etdik. Bir sözlə, ümumilikdə mövsüm uğurlu alındı".

Əhmədzadə "Zirə"dən fərqli olaraq, özü üçün mövsümün heç də uğurlu olmadığını dilə gətirib:

"Mənim üçünsə mövsüm heç də uğurlu alınmadı. Həm ağır zədə oldu, həm də ondan sonra gec bərpa. Nəticədə optimal forma yığa bilmədim, az oyun müddətim oldu".

O, qəsəbə təmsilçisindən ayrılması haqda da fikirlərini bölüşüb:

"Zirə"ylə belə qərara gəldik ki, komandada qalmayacam. Buna heç bir səbəb yoxdur. İcarədə idim, sadəcə, hər il razılaşırdıq ki, daha bir mövsüm qalıram. Bu dəfə "Qarabağ"la 1 illik müqaviləm qalırdı və həm mən, həm də klub qərara gəldi ki, icarəni artırmayaq. Bundan sonra necə olacağını hələ bilmirəm. Fikirləşəcəm, "Qarabağ"ıa da danışacam. Gələcəkdə baxacağıq necə olacaq. Ayrılığımda xüsusi bir səbəb yoxdur, icarə müddətinin uzadılmaması qarşılıqlı razılaşma əsasında olub".

Elsevər Muradzadə
Pressing.az