"Qarabağ" - "Zirə" oyununda insident: Zubir rəqib futbolçuya təpik zərbəsi endirdi – VİDEO

"Qarabağ"la "Zirə" arasında bu gün keçirilən yoxlama matçında (4:0) gərgin anlar yaşanıb.

Hadisə qarşılaşmanın ilk hissəsinin sonlarına təsadüf edib.

Pressing.az-ın oyuna ezam olunmuş əməkdaşının verdiyi məlumata görə, Ağdam təmsilçisinin fransalı vingeri Abdullah Zubir rəqib futbolçu ilə mübahisə edib.

İş o yerə çatıb ki, Zubir əsəblərini cilovlaya bilməyərək, qəsəbə təmsilçisinin üzvü Salifi Sumaya təpiklə zərbə endirib. Bu zaman meydançada ara qarışıb. Hətta "köhlən atlar"ın baş məşqçisi Qurban Qurbanov da olaya müdaxilə etməli olub. Hakimlərlə aparılan kiçik müzakirədən sonra ilk hissənin final fiti səsləndirilib və futbolçular fasiləyə yollanıblar.

Fasilədən sonra isə hadisənin mərkəzində olan Zubir əvəzlənib.

Videonu izləmək üçün buraya klikləyin

Elsevər Muradzadə