Türkiyə yığmasında itki

Türkiyə yığmasının UEFA Millətlər Liqası üçün namizəd heyətində dəyişiklik edilib.

Pressing.az xəbər verir ki, "Eyüpspor"un futbolçusu Əhməd Kutucu sol ayağının arxa əzələsindən zədələnərək heyətdən uzaqlaşdırılıb. Toplanışın əvvəlindən 24 yaşlı futbolçunun müalicəsi davam etdirildiyi bildirilir. Lakin onun zədəsinin tam sağalmayacağı müəyyən olunduğundan sonra, futbolçunun müalicəsini klubunda davam etdirməsinə qərar verilib.

Qeyd edək ki, Türkiyə yığması noyabrın 16-da Uels, noyabrın 19-da isə Monteneqro millisi ilə qarşılaşacaq.