Azərbaycan yığmasının hücumçusu Ramil Şeydayev karyerasını Türkiyədə davam etdirəcək.

Pressing.az xəbər verir ki, bu barədə Türkiyə mətbuatı məlumat yayıb.

Qeyd olunub ki, Tailandın “Buriram Yunayted” klubunun forvardı 1-ci Liqa təmsilçisi “Kocaelispor”la anlaşıb.

27 yaşlı futbolçunun Kocaeli klubu ilə 1,5 illik müqavilə bağladığı bildirilir.

Qeyd edək ki, 1 aydan çoxdur Tailand klubunda işləri qaydasında getməyən və adı oyunların sifariş ərizəsinə salınmayan yığmamızın üzvü 2016/2018-ci illərdə Türkiyənin Superliqa təmsilçisi "Trabzonspor"un futbolçusu olub.