Xəbər lenti

Türkiyə yığma komandasının heyətində ciddi itki baş verib.

Pressing.az xəbər verir ki, "Fənərbaxça"nın müdafiəçisi Çağlar Söyüncü zədələnib. Bu səbəbdən 28 yaşlı futbolçu millinin heyətindən çıxarılıb. Məlumatı Türkiyə Futbol Federasiyasının (TFF) mətbuat xidməti yayıb.

Çağlar Superliqanın 12-ci turunun "Sivasspor"la matçında (4:0) zədələnib. O, 1 ay yaşıl meydanlardan kənarda qalacaq.

Qeyd edək ki, Türkiyə millisi UEFA Millətlər Liqası çərçivəsində noyabrın 16-da Uels və noyabrın 19-da isə Monteneqro ilə qarşılaşacaq.