Millimizin futbolçusu Renat Dadaşovun formasını geyindiyi "Hatayspor" Türkiyə kubokunda 1/8 final oyununa çıxıb.

Pressing.az xəbər verir ki, komanda "Başakşehir"in qonağı olub. Matçın əsas və əlavə vaxtı 1:1 hesabı ilə başa çatdığı üçün qalib penaltilər seriyasında müəyyənləşib. Burada daha dəqiq olan "Başakşehir" 3:2 hesabı ilə qalib gələrək 1/4 finala yüksəlib.

Renat Dadaşov start heyətdə meydana daxil olub və 90-cı dəqiqədə əvəzlənib.