İtaliya yığmasının sabiq üzvü, hazırda məşqçi kimi fəaliyyət göstərən Alberto Akvilaninin yeni klubu müəyyənləşib.

Pressing.az xəbər verir ki, o, İtaliya B seriyasında mübarizə aparan "Katanzaro"nun baş məşqçisi təyin olunub.

Bu barədə klubun mətbuat xidməti məlumat yayıb. 40 yaşlı mütəxəssis ilə müqavilə 2027-ci ilin yayına kimi nəzərdə tutulub.

Akvilani bu vəzifədə Fabio Kazertanı əvəzləyib.

Qeyd edək ki, Akvilani məşqçilik karyerasının uğurlu bir hissəsini “Fiorentina”nın gənclər komandasında keçirib. O, həmçinin “Piza”da da çalışıb.