Serbiyalı mütəxəssis İvan Yuriç “Atalanta”nın yeni baş məşqçisi olduğu təsdiqlənib.

Pressing.az xəbər verir ki, bu barədə Berqamo təmsilçisinin mətbuat xidməti rəsmi məlumat yayıb.

Yuriç bu vəzifədə 2016-cı ilin iyul ayından komandanı çalışdıran Can Pyerro Qasperinini əvəzləyib. Onunla 2027-ci ilin yayına qədər müqavilə imzalanıb.

Geridə qalan mövsümün ikinci yarısında İvan Yuriç İngiltərə Premyer Liqasından Çempionşipə düşən “Sauthempton”ı çalışdırıb. Mövsümə isə İtaliya “Roma”sının baş məşqçisi kimi başlamışdı.