Qurban Qurbanov: "Azərbaycan futbolu adına çox sevinirəm"

UEFA Çempionlar Liqasının Liqa mərhələsi çərçivəsində Bakıda keçirilən "Qarabağ" - "Ayntraxt" matçından (3:2) sonra Ağdam təmsilçisinin baş məşqçisi Qurban Qurbanovun iştirakıyla mətbuat konfransı baş tutub.

Pressing.az xəbər verir ki, o, oyunla bağlı bunları deyib:

"Azarkeşlərimizi təbrik edirəm. Bugünkü qalibiyyət onların haqqı idi. Bütün matçlarda bizimlə oldular. Bizdən daha çox bu qələbəni azarkeşlər istəyirdi. Onların duaları bizə zəfər nəsib elədi. Futbolçularıma da təşəkkür edirəm. Bu gün başqa oyunlardan fərqli olaraq daha çox nizam-intizamlı idilər. Azərbaycan futbolu adına çox sevinirəm".