"Ayntraxt"ın baş məşqçisi: "Rəqib səhvimizdən istifadə edərək qələbə qazandı"

UEFA Çempionlar Liqasının Liqa mərhələsi çərçivəsində Bakıda keçirilən "Qarabağ" - "Ayntraxt" matçından (3:2) sonra Almaniya təmsilçisinin baş məşqçi vəzifəsini icra edən Denis Şmittin iştirakıyla mətbuat konfransı baş tutub.

Pressing.az xəbər verir ki, o, oyunla bağlı bunları deyib:

"Məyus olduq. Oyuna yaxşı başlamadıq. Amma sonradan toparlandıq və hesabı bərabərləşdirdik. Fasilədə müəyyən danışıqlar apardıq, taktikada dəyişikliklər etdik. İkinci hissədə hətta önə də keçdik. Amma “Qarabağ” hesabı çox tez bərabərləşdirdi. Çalışdıq intizamlı çıxış edək. Bu oyundan çalışacağıq yaxşı nəticə çıxaraq. Bir səhv etdik və rəqib bundan istifadə edərək qələbə qazandı".