UEFA Çempionlar Liqasının Liqa mərhələsinin ikinci turu çərçivəsində keçiriləcək "Qarabağ" - "Kopenhagen" matçından öncə Ağdam təmsilçisinin baş məşqçisi Qurban Qurbanovun iştirakıyla mətbuat konfransı baş tutub.

Pressing.az xəbər verir ki, təcrübəli mütəxəssis sabahkı oyunla bağlı bunları deyib.

"Sevindirici haldır ko, belə bir böyük turnirin oyunu Bakıda keçiriləcək. Çempionlar Liqasının güclü komandalarından biriylə qarşılaşacağıq. Həddindən artıq diqqətli olmalıyıq. Bacardığımız qədər bu oyuna hazırlaşmışıq. İnanıram ki, futbolçularımız əlindən gələni edəcək və azarkeşlərimizi sevindirməyə çalışacaqlar".

Qeyd edək ki, Tofiq Bəhramov adına Respublika stadionunda keçiriləcək görüş saat 20:45-də başlayacaq.