Qurban Qurbanov: "Bakıda bu rəqibə qarşı daha diqqətli oyun sərgiləməliyik"

“Qarabağ” klubunun baş məşqçisi Qurban Qurbanov UEFA Çempionlar Liqasının 3-cü təsnifat mərhələsində “Şkendiya”ya (Şimali Makedoniya) qarşı keçirdikləri ilk oyundan (0:1) sonra fikirlərini bölüşüb.

Pressing.az xəbər verir ki, təcrübəli mütəxəssis mətbuat konfransında səfərdəki qələbəyə görə sevincli olduqlarını bildirib:

“Sona qədər mübarizə apardıqlarına görə futbolçularıma təşəkkür edirəm. Səfərdə qələbə qazanmaq çox vacib idi. Oyun ərzində səhvlərimiz çox oldu. Lakin yekunda lazım olan nəticəni qazana bildik. “Şkendiya” barəsində anacaq xoş sözlər deyə bilərəm. Çempionlar Liqasının 2-ci təsnifat mərəhləsində Rumıniya təmsilçisinə qarşı gözəl çıxış etmişdilər. Belə komandaya qarşı səfərdən qalibiyyətlə dönmək sevindirici haldır. Bakıda bu rəqibə qarşı daha diqqətli oyun sərgiləməliyik. Çünki qarşımızda məğlub olmağı sevməyən bir kollektiv var”.