Qurban Qurbanov: "Futbolçularım əziyyət çəkdilər"

Misli Premyer Liqasının 29-cu turunda keçirilən "Qarabağ" - "Zirə" oyunundan (1:0) sonra Ağdam təmsilçisinin baş məşqçisi Qurban Qurbanov mətbuat konfransına qatılıb.

Pressing.az xəbər verir ki, təcrübəli mütəxəssis matçla bağlı bunları deyib:

"Futbolçularımı təbrik edirəm. Gərgin oyun oldu. Oyunçular çox əziyyət çəkdilər. Rəşad Sadıqovu da təbrik edirəm. Gündən-günə daha yaxşı çıxış edirlər. "Zirə"yə də uğurlar arzu edirəm. Azarkeşlərimizə də təşəkkürümü bildirirəm".