"Yuxarı pillələrə qalxmaq üçün də şansımız var" - Ayxan Abbasov

Misli Premyer Liqasının 31-ci turunda keçirilən "Şamaxı" - "Kəpəz" oyunundan (2:1) sonra meydan sahiblərinin baş məşqçisi Ayxan Abbasov mətbuat konfransına qatılıb.

Pressing.az xəbər verir ki, o, qarşılaşma ilə bağlı bunları deyib:

"Evdə oynayırdıq. Azarkeşlərimiz möhtəşəm atmosfer yaratmışdılar. İlk növbədə onlara təşəkkürümü bildirirəm. Doğma meydanda qalib gəlmək istəyirdik. Bunu bacardığımız üşün şadam. Futbolçularımı təbrik edirəm. Yuxarı pillələrə qalxmaq üçün də şansımız var. Bunun üçün də bu cür qələbələr bizə böyük motivasiya verir. Gələn mövsüm daha yaxşı durumda olmaq üçün belə oyunlar vacibdir".