DÇ-2026-nın seçmə mərhələsi çərçivəsində sabah keçiriləcək Azərbaycan - İslandiya oyunundan öncə milli komandamızın baş məşqçisi Ayxan Abbasovun iştirakıyla mətbuat konfransı keçirilib.

Pressing.az xəbər verir ki, mütəxəssis sabahkı matçla bağlı bunları deyib:

"Sabah bizi gərgin və önəmli oyun gözləyir. Evdə oynayacağıq. Bilirik ki, bu matç İslandiya üçün də çox vacibdir. Futbolçularıma inanıram. Azarkeşlərin də sabah bizi tək qoymayacağına ümid edirəm. Rəqib, əlbəttə, çox istəklidir. İlk oyunumuzda ağır məğlubiyyət almışdıq. Futbolçulardan həmin nəticəni unutmalarını istədim. Sabah çalışacağıq ki, azarkeşlərimizi sevindirək. Bu oyunlar gələcəyimiz üçün vacibdir".