Ayxan Abbasov: "Bu mövsüm çox şeyə nail olduq"

Misli Premyer Liqasının 36-cı turunda keçirilən "Şamaxı" - "Qarabağ" oyunundan (0:1) sonra meydan təmsilçisinin baş məşqçisi Ayxan Abbasovun iştirakıyla mətbuat konfransı keçirilib.

Pressing.az xəbər verir ki, o, matçla bağlı bunları deyib:

"Qarabağ"ı təbrik edirəm. Həmişəki kimi ölkəmizi Avropada uğurla təmsil etmələrini arzulayıram. Azarkeşlərimizə böyük minnətdarlığımı bildirirəm. Sonadək yanımızda oldular. Məqsədimiz Premyer Liqada qalmaq idi. Lakin bununla yanaşı, mövsüm ərzində çox şeyə nail olduq. İnşallah, bu templə davam etməliyik. Hər kəsə təşəkkürümü bildirirəm. Avrokuboklarda mübarizə aparacaq klublarımıza da uğurlar arzu edirəm".