Cavid Hüseynov: "İnanıram ki, yuxarı pillələrdə ola bilərik"
"Səbail" klubunun baş məşqçisi Cavid Hüseynov Misli Premyer Liqasının 21-ci turunda "Turan Tovuz"la 1:1 hesablı heç-heçə etdikləri oyundan danışıb.
Pressing.az xəbər verir ki, o, matçdan sonra təşkil olunan mətbuat konfransında deyib:
- Tovuzda olmaq mənim üçün çox xoşdur. Buranı çox sevirəm. Futbolçu vaxtı ilk addımlarımı burada atmışam, məşqçi kimi də burada çalışmışam. Həddən artıq güclü komandaya qarşı oynayırdıq. Son transferlər güclərinə güc qatıb. Rəqib ciddi təhlil etmişdik. İki fərqli hissə izlədik. Qələbə qazanmağı çox istəyirdik. Amma Bakıya 1 xalla qayıdırıq. Səhvlərimiz var. Onların üzərində işləyəcəyik.
- Rüfət Abdullazadə son iki matçda start heyətində yer almır. Onu gizli silah kimi istifadə edirsiniz?
- Yox, gizli silah deyil. Sadəcə zədəsi var idi, risk etmək istəmirdik. Tonusdan düşdüyü üçün onu sonradan meydana buraxdıq.
- Əsas rəqibiniz "Kəpəz" də qələbələr qazanır. Bu rəqabət sizi narahat etmir?
- Rəqabətə hər zaman hazır olan insanam. Komandanı buna görə kökləməyi xoşlayıram. Çəkinmirik. Oyun baxımından inkişaf edirik. O zaman narahat olaram ki, oyun baxımından heç nə etmirik. Hələ qarşıda 15 tur var. İnanıram ki, yuxarı pillələrdə ola bilərik.
- Fiziki baxımdan çatışmazlıqları aradan qaldıra bilərsiniz?
- Bunu siz daha yaxşı görə bilərsiniz. 90-cı dəqiqədə ayağını tutub yerdə qalan futbolçumuz yoxdur. Hakimin ikinci hissəyə 3 dəqiqə əlavə etməsini doğru hesab etmirəm. VAR-a baxılıb, əvəzetmələr olub, rəqib azlıqda qalıb. 30 saniyənin, 1 dəqiqənin bizim üçün önəmi böyükdür. Oyunda pauzalar oldu, 3 dəqiqə çox az idi. Sonuncu hücum yekunlaşsa, bəlkə biz qol vura bilərdik. Ona belə imkan vermədi.
Pressing.az xəbər verir ki, o, matçdan sonra təşkil olunan mətbuat konfransında deyib:
- Tovuzda olmaq mənim üçün çox xoşdur. Buranı çox sevirəm. Futbolçu vaxtı ilk addımlarımı burada atmışam, məşqçi kimi də burada çalışmışam. Həddən artıq güclü komandaya qarşı oynayırdıq. Son transferlər güclərinə güc qatıb. Rəqib ciddi təhlil etmişdik. İki fərqli hissə izlədik. Qələbə qazanmağı çox istəyirdik. Amma Bakıya 1 xalla qayıdırıq. Səhvlərimiz var. Onların üzərində işləyəcəyik.
- Rüfət Abdullazadə son iki matçda start heyətində yer almır. Onu gizli silah kimi istifadə edirsiniz?
- Yox, gizli silah deyil. Sadəcə zədəsi var idi, risk etmək istəmirdik. Tonusdan düşdüyü üçün onu sonradan meydana buraxdıq.
- Əsas rəqibiniz "Kəpəz" də qələbələr qazanır. Bu rəqabət sizi narahat etmir?
- Rəqabətə hər zaman hazır olan insanam. Komandanı buna görə kökləməyi xoşlayıram. Çəkinmirik. Oyun baxımından inkişaf edirik. O zaman narahat olaram ki, oyun baxımından heç nə etmirik. Hələ qarşıda 15 tur var. İnanıram ki, yuxarı pillələrdə ola bilərik.
- Fiziki baxımdan çatışmazlıqları aradan qaldıra bilərsiniz?
- Bunu siz daha yaxşı görə bilərsiniz. 90-cı dəqiqədə ayağını tutub yerdə qalan futbolçumuz yoxdur. Hakimin ikinci hissəyə 3 dəqiqə əlavə etməsini doğru hesab etmirəm. VAR-a baxılıb, əvəzetmələr olub, rəqib azlıqda qalıb. 30 saniyənin, 1 dəqiqənin bizim üçün önəmi böyükdür. Oyunda pauzalar oldu, 3 dəqiqə çox az idi. Sonuncu hücum yekunlaşsa, bəlkə biz qol vura bilərdik. Ona belə imkan vermədi.
