“Qəbələ” klubunun futbolçusu Salman Ələsgərov əməliyyat olunub.

Pressing.az xəbər verir ki, bu bölgə təmsilçisinin mətbuat xidməti məlumat yayıb.

23 yaşlı yarımmüdafiəçi 2-ci tip aksesuar navikulyar sümüyün ayrılması və tibialis posterior vətərinin ana navikulyar sümüyə tenodezi ilə bağlı cərrahi müdaxiləyə məruz qalıb.

Ələsgərovun “Liv Bona Dea Hospital”da gerçəkləşən əməliyyatı uğurlu keçib. Futbolçunun ayağı 1 ay gipsdə qalacaq. Ardınca 3 aya qədər gücləndirmə məşqləri keçəcək Salman bundan sonra meydanda hazırlığa start verəcək.

Qeyd edək ki, Ələsgərov cari mövsümdə 1 Liqada keçirdiyi 5 oyunda 1 qol vurub.