“Bu, bəlkə də ən vacib oyunumuz olacaq” – Rəşad Sadıqov
"Zirə" klubunun baş məşqçisi Rəşad Sadıqov Misli Premyer Liqasının 17-ci turunda "Turan Tovuz" ilə 0:0 hesablı heç-heçə etdikləri oyundan sonra fikirlərini bölüşüb.
Pressing.az xəbər verir ki, o, görüşdən sonra keçirilən mətbuat konfransında deyib: "Gərgin və hər iki komanda üçün ağır oyun keçdi. Bütün həftə ərzində bu oyuna hazırlaşırdıq. Bilirdik ki, rəqib pressinq tətbiq edən, 2-ci toplarda aktiv olan və meydanda mübarizə aparan komandadır. Ona görə həmin komponentlərdə bu gün çox yaxşı idik. Yaxşı mübarizə apardıq, intizamlı idik.
Demək olar ki, rəqibin qol vurmağına şərait yaratmadıq. Halbuki “Turan Tovuz”un heyətində yetərincə təhlükəli futbolçu var. Onlar bir çox oyunda qol epizodları yaradıblar, təhlükəli olublar. Sadəcə hücumda daha effektiv oynayıb nəticəni öz xeyrimizə çevirə bilərdik. Ona da rəqibin kompakt oyunu imkan vermədi. Bir neçə təhlükəli epizodlarımız oldu, onda da qapıçı təhlükəli oynadı. O üzdən də oyun heç-heçə ilə bitdi. Növbəti həftə bizim finala bərabər oyunumuz var (“Səbail”lə 18-ci tur matçı - red.). Son tur olduğunu nəzərə alsaq, avrokuboklara namizəd komandalar hamısı xal üçün oynayacaq. Premyer Liqada qalmaq üçün ölüm-dirim mübarizəsini aparan "Səbail"ə qarşı səfərdə oynayacağıq. Buna görə də, düşünürəm, "Səbail"lə oyun bizim üçün bəlkə də çempionatda ən vacib matç olacaq".
Mütəxəssis komandasının oyuna yanaşmasından söz açıb: "Düşünürəm, futbolçular özləri də vəziyyəti başa düşürlər və üç xalın bizim üçün nə qədər önəmli olmasını bilirlər. Ümid edirəm ki, maksimum konsentrasiya ilə oyuna hazırlaşacaqlar. Futboldur, ola bilər ki, nəticə ürəkaçan, istədiyimiz kimi olmasın. Amma ən azından oyuna yanaşmamız, meydanda aparacağımız mübarizə yüksək səviyyədə olmalıdır".
R. Sadıqov transfer planlarından da danışıb: "Daxili çempionatda hər bir komandada yaxşı futbolçular var ki, heyətində görmək istəyərsən. Bir neçə futbolçu ilə bəzi mövqeləri gücləndirmək və rəqabəti artırmaq istəyərdik. Tək mən yox, bütün məşqçilər bunu istəyər. Hazırda xaricdə baxdığımız hər hansı futbolçu yoxdur. Qış dönəmində hələ ki, planımızda transfer yoxdur".
Pressing.az xəbər verir ki, o, görüşdən sonra keçirilən mətbuat konfransında deyib: "Gərgin və hər iki komanda üçün ağır oyun keçdi. Bütün həftə ərzində bu oyuna hazırlaşırdıq. Bilirdik ki, rəqib pressinq tətbiq edən, 2-ci toplarda aktiv olan və meydanda mübarizə aparan komandadır. Ona görə həmin komponentlərdə bu gün çox yaxşı idik. Yaxşı mübarizə apardıq, intizamlı idik.
Demək olar ki, rəqibin qol vurmağına şərait yaratmadıq. Halbuki “Turan Tovuz”un heyətində yetərincə təhlükəli futbolçu var. Onlar bir çox oyunda qol epizodları yaradıblar, təhlükəli olublar. Sadəcə hücumda daha effektiv oynayıb nəticəni öz xeyrimizə çevirə bilərdik. Ona da rəqibin kompakt oyunu imkan vermədi. Bir neçə təhlükəli epizodlarımız oldu, onda da qapıçı təhlükəli oynadı. O üzdən də oyun heç-heçə ilə bitdi. Növbəti həftə bizim finala bərabər oyunumuz var (“Səbail”lə 18-ci tur matçı - red.). Son tur olduğunu nəzərə alsaq, avrokuboklara namizəd komandalar hamısı xal üçün oynayacaq. Premyer Liqada qalmaq üçün ölüm-dirim mübarizəsini aparan "Səbail"ə qarşı səfərdə oynayacağıq. Buna görə də, düşünürəm, "Səbail"lə oyun bizim üçün bəlkə də çempionatda ən vacib matç olacaq".
Mütəxəssis komandasının oyuna yanaşmasından söz açıb: "Düşünürəm, futbolçular özləri də vəziyyəti başa düşürlər və üç xalın bizim üçün nə qədər önəmli olmasını bilirlər. Ümid edirəm ki, maksimum konsentrasiya ilə oyuna hazırlaşacaqlar. Futboldur, ola bilər ki, nəticə ürəkaçan, istədiyimiz kimi olmasın. Amma ən azından oyuna yanaşmamız, meydanda aparacağımız mübarizə yüksək səviyyədə olmalıdır".
R. Sadıqov transfer planlarından da danışıb: "Daxili çempionatda hər bir komandada yaxşı futbolçular var ki, heyətində görmək istəyərsən. Bir neçə futbolçu ilə bəzi mövqeləri gücləndirmək və rəqabəti artırmaq istəyərdik. Tək mən yox, bütün məşqçilər bunu istəyər. Hazırda xaricdə baxdığımız hər hansı futbolçu yoxdur. Qış dönəmində hələ ki, planımızda transfer yoxdur".
