Şahin Diniyev: "Bu enişi gözləyirdim"
Azərbaycan Premyer Liqasının XVI turunun "Sabah" - "Səbail" oyunundan (4:0) sonra qonaq komandanın baş məşqçisi Şahin Diniyev mətbuat konfransında jurnalistlərin suallarını cavablandırıb.
Pressing.az xəbər verir ki, mütəxəssis əvvəlcə görüşlə bağlı fikirlərini bildirdi...
- Çox danışmaq istəmirəm. Hər komponentdə rəqibə məğlub olduq. Üçüncü qoldan sonra oyundan qopduq. Vəziyyət o yerdədir ki, qalan 2 oyunu birtəhər yola verməliyik. "Turan Tovuz"la oyundan sonra böyük itkilərimiz var. Artıq 3-cü oyunçumuz əməliyyat olunacaq. Rotasiyalar etməli oluruq, amma oyunçu qıtlığı var. Birdən-birə belə itkilər zərbədir. Qarşıdakı iki oyunu başa vurub, hazırlaşmalıyıq. Transferlər də edəcəyik, güclənməliyik. İlk hissəni çox pis keçirdik. Narazıyam. Bu mövsüm birinci dəfədir ki, belə bir hissə oynayırıq. Enişdəyik, futbolda belə hallar olur. Qarşıdakı oyunlarda maksimum xallar toplamağa çalışacağıq.
- Mövsümün əvvəlində inkişaf etməli olduğunuzu, avvrokuboklar üçün mübarizə aparmadığınızı deyirdiz. Əvvəldən belə vəziyyətə düşəcəyinizi hiss edirdiniz?
- Komandada olub, bunu hiss etmək lazımdır. İtkilərdən sonra dəyişiklik etməyə variantımız qalmayıb. Geniş heyətimiz yoxdur. Bu enişi gözləyirdim. Çox çətin durumdayıq. Heyət baxımından problemlərimiz var. Dünyanın sonu deyil. Əvvəldən belə olacağını görürdüm. Əvvəldən sözümü tutan biri olmuşam. Yanvardan sonra daha yaxşı "Səbail" görəcəksiniz. Birinci dövrəni bu sıralarda bitirə bilsək, yanvardan sonra daha yaxşı yerlərdə ola biləcəyik.
- Hansısa oyunçularla danışıqlar var?
- Axtarırıq. Qış fasiləsində yaxşı oyunçu tapmaq çətindir. Hər gün futbolçulara baxırıq. Mövsümün əvvəlin 8-9 transfer edib, 3-4-ü pis çıxırsa, başa düşmək olur. Amma indi fasilədə diqqətli olmaq lazımdır. 2 oyunçu gətirib, onlardan biri ümidləri doğrultmasa, problemlər böyük olacaq. Çalışacağıq, düzgün oyunçu tapmaq istəyirik.
- Oyundan sonra paltardəyişmə otağında söhbətiniz uzun çəkdi
- Narazıyam. Hər komandada eniş dövrü olur. Kimin ehtiyat oyunçusu çoxdursa, minimum itkilərlə çıxır. Bu gün ikinci hissəyə görə komandaya təşəkkür edə bilərəm, amma birinci hissə yox. Uşaqlardan sakit olmaqlarını xahiş etdim. Futboldur, uduzmaq olar. Qarşıdakı oyunlara hazırlaşmalıyıq. Yaxşı nəticələr əldə etməliyik ki, bu nəticəni unudaq. Dözməli, səbr etməliyik. Problemlərə sinə gərməliyik. Əlimizi qaldırıb, problemlərimiz, təzyiqlərimiz var desək, düz olmaz. Yaxşı yerlərdə olacağıq.
- David Qomisin durumu nə yerdədir?
- İlkin diaqnoz çarpaz bağlarının qopmasıdır.
Pressing.az xəbər verir ki, mütəxəssis əvvəlcə görüşlə bağlı fikirlərini bildirdi...
- Çox danışmaq istəmirəm. Hər komponentdə rəqibə məğlub olduq. Üçüncü qoldan sonra oyundan qopduq. Vəziyyət o yerdədir ki, qalan 2 oyunu birtəhər yola verməliyik. "Turan Tovuz"la oyundan sonra böyük itkilərimiz var. Artıq 3-cü oyunçumuz əməliyyat olunacaq. Rotasiyalar etməli oluruq, amma oyunçu qıtlığı var. Birdən-birə belə itkilər zərbədir. Qarşıdakı iki oyunu başa vurub, hazırlaşmalıyıq. Transferlər də edəcəyik, güclənməliyik. İlk hissəni çox pis keçirdik. Narazıyam. Bu mövsüm birinci dəfədir ki, belə bir hissə oynayırıq. Enişdəyik, futbolda belə hallar olur. Qarşıdakı oyunlarda maksimum xallar toplamağa çalışacağıq.
- Mövsümün əvvəlində inkişaf etməli olduğunuzu, avvrokuboklar üçün mübarizə aparmadığınızı deyirdiz. Əvvəldən belə vəziyyətə düşəcəyinizi hiss edirdiniz?
- Komandada olub, bunu hiss etmək lazımdır. İtkilərdən sonra dəyişiklik etməyə variantımız qalmayıb. Geniş heyətimiz yoxdur. Bu enişi gözləyirdim. Çox çətin durumdayıq. Heyət baxımından problemlərimiz var. Dünyanın sonu deyil. Əvvəldən belə olacağını görürdüm. Əvvəldən sözümü tutan biri olmuşam. Yanvardan sonra daha yaxşı "Səbail" görəcəksiniz. Birinci dövrəni bu sıralarda bitirə bilsək, yanvardan sonra daha yaxşı yerlərdə ola biləcəyik.
- Hansısa oyunçularla danışıqlar var?
- Axtarırıq. Qış fasiləsində yaxşı oyunçu tapmaq çətindir. Hər gün futbolçulara baxırıq. Mövsümün əvvəlin 8-9 transfer edib, 3-4-ü pis çıxırsa, başa düşmək olur. Amma indi fasilədə diqqətli olmaq lazımdır. 2 oyunçu gətirib, onlardan biri ümidləri doğrultmasa, problemlər böyük olacaq. Çalışacağıq, düzgün oyunçu tapmaq istəyirik.
- Oyundan sonra paltardəyişmə otağında söhbətiniz uzun çəkdi
- Narazıyam. Hər komandada eniş dövrü olur. Kimin ehtiyat oyunçusu çoxdursa, minimum itkilərlə çıxır. Bu gün ikinci hissəyə görə komandaya təşəkkür edə bilərəm, amma birinci hissə yox. Uşaqlardan sakit olmaqlarını xahiş etdim. Futboldur, uduzmaq olar. Qarşıdakı oyunlara hazırlaşmalıyıq. Yaxşı nəticələr əldə etməliyik ki, bu nəticəni unudaq. Dözməli, səbr etməliyik. Problemlərə sinə gərməliyik. Əlimizi qaldırıb, problemlərimiz, təzyiqlərimiz var desək, düz olmaz. Yaxşı yerlərdə olacağıq.
- David Qomisin durumu nə yerdədir?
- İlkin diaqnoz çarpaz bağlarının qopmasıdır.
