"Sumqayıt"ın xəsarət alan futbolçusu əməliyyat olunub

"Sumqayıt" klubunun kapitanı Səbuhi Abdullazadə əməliyyat olunub.

Pressing.az xəbər verir ki, Bakıdakı özəl xəstəxanaların birində keçirilən əməliyyat uğurla başa çatıb.

Azərbaycan millisinin də üzvü olan yarımmüdafiəçinin təxminən 5 ay sonra meydana qayıdacağı bildirilib.

Futbolçu ötən gün Misli Premyer Liqasının 1-ci turunda "Neftçi" ilə matçda qırmızı vərəqə alaraq oyundan kənarlaşdırılıb. O, meydanı tərk edərkən stadionunun dəhlizinin qapısının şüşəsinə əli ilə zərbə vurub. Bu zaman böyük şüşə parçası qırılaraq onun ayağının üstünə düşüb və futbolçu ciddi xəsarət alıb.