"Sabah" və "Turan Tovuz" yarımfinalda - YENİLƏNİB

Bu gün Bizon Azərbaycan Kubokunda 1/4 final mərhələsinə yekun vurulub.

Pressing.az xəbər verir ki, 3-cü oyun gününə nəzərdə tutulan 2 matç başa çatıb.

"Kəpəz" "Turan Tovuz"u qəbul edib. Oyunda "Turan Tovuz" 2:0 hesablı qələbə qazanıb. Bu komandalar arasında ilk görüşdə də Tovuz təmsilçisi 1:0 hesabı ilə qalib gəlmişdi. Nəticədə "Turan Tovuz" yarımfinala yüksəlib. Komanda bu mərhələdə "Zirə" ilə qarşılaşacaq.

Digər matçda "Qəbələ" "Sabah"la üz-üzə gəlib. "Sabah" hər iki hissədə vurduğu qollarla 2:0 hesabı ilə öndə olsa da "Qəbələ" matçın sonuna doğru hesabı bərabərləşdirməyə nail olub. Qarşılaşmanın əlavə vaxtında isə komandalar hərəyə 1 qol vurmaqla hesabı 3:3 edib. Penaltilər seriyasına gedən matçda "Sabah" meydandan üstün ayrılmağı bacarıb. Sözügedən komandaların ilk duelində 0:0 hesablı heç-heçə qeydə alınıb.

Bu nəticədən sonra "Sabah" yarımfinalda "Qarabağ"la üz-üzə gələcək.

Bizon Azərbaycan Kuboku, 1/4 final, cavab oyunları

5 mart (cümə axşamı)

18:00. “Qəbələ” – “Sabah” - 3:3 (Penaltilər seriyasında 2:4)

Qollar: Timoteuş Puxaç, 31 (0:1), Timoteuş Puxaç (0:2) 62, İsmael Akinade, 88 (1:2), İsmael Akinade, 90 (2:2), Coy Lens Mikels 105 (2:3), Nuğay Rəşidov, 114 (3:3)
Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev
VAR: Kamal Umudlu
AVAR: Elvin Bayramov
Qəbələ şəhər stadionu
İlk oyun - 0:0

14:30. “Kəpəz” – “Turan Tovuz” - 0:2

Qollar: Xorxe Silva, 13, Hayderson Hurtado, 51
Hakimlər: Cavid Cəlilov, Kamran Bayramov, Müslüm Əliyev, İslam Məmmədov
VAR: Kamranbəy Rəhimov
AVAR: Akif Əmirəli
Yevlax şəhər stadionu
İlk oyun - 0:1