Azərbaycan Kubokunda 1/4 final mərhələsinə start verilir

Bu gün futbol üzrə Azərbaycan Kubokunda 1/4 final mərhələsi start götürəcək.

Pressing.az xəbər verir ki, 1-ci oyun gününə 2 matç nəzərdə tutulub.

Əvvəlcə “Sumqayıt” “Zirə”ni qəbul edəcək. Görüş saat 17:00-da başlayacaq. Oyunu Cavid Cəlilov idarə edəcək.

"Gənclik şəhəri" təmsilçisi 1/8 finalda "Difai"ni, "Zirə" "Neftçi"ni mübarizədən kənarlaşdırıb. Bu komandaların Misli Premyer Liqasının turnir cədvəlindəki mövqeyi də bir-birinə kifayət qədər yaxındır. Belə ki, “Sumqayıt” 30 xalla 4-cü, “Zirə” isə 29 xalla 5-cidir.

Digər matçda isə “Sabah” evdə “Qəbələ” ilə üz-üzə gələcək. Qarşılaşma saat 19:30-da start götürəcək. Oyun Fərid Hacıyevə tapşırılıb.

1/8 finalda paytaxt klubu "İmişli"ni, əyalət təmsilçisi "Şəfa"nı məğlub edib. Misli Premyer Liqasında “Sabah” 43 xalla liderdir. “Qəbələ” isə 14 xalla 10-cudur.

“Sumqayıt”la “Zirə” və “Sabah”la “Qəbələ” arasındakı 1/4 finalın cavab oyunları mart ayının 3-nə nəzərdə tutulub.


Azərbaycan kuboku, 1/4 final, ilk oyunlar

4 fevral

17:00. "Sumqayıt" – "Zirə"

Hakimlər: Cavid Cəlilov, Kamran Bayramov, Müslüm Əliyev, Vüqar Həsənli.

VAR: Kamal Umudlu.

AVAR: Eyyub İbrahimov.

Mehdi Hüseynzadə adına Sumqayıt şəhər stadionu

19:30. "Sabah" – "Qəbələ"

Hakimlər: Fərid Hacıyev, Asiman Əzizli, Rəhman İmami, Kamran Əliyev.

VAR: Nicat İsmayıllı.

AVAR: Zeynal Zeynalov.

"Bank Respublika Arena"

5 fevral

14:30. "Şamaxı" – "Qarabağ"

19:00. "Turan Tovuz" – "Kəpəz"

Yarımfinal cütləri

“Sabah”/“Qəbələ” - “Qarabağ”/“Şamaxı”
“Sumqayıt”/“Zirə” - "Turan Tovuz”/“Kəpəz”