Xəbər lenti

Bu gün Misli Premyer Liqasında 17-ci tur start götürəcək.

Pressing.az xəbər verir ki, nəticədə çempionatdakı 32 günlük fasilə başa çatacaq.

Turun 1-ci oyun gününə 2 matç nəzərdə tutulub. İlin ilk qarşılaşması "İmişli" ilə "Araz-Naxçıvan" arasında olacaq. Quba Olimpiya İdman Kompleksində keçiriləcək görüş saat 14:30-da başlayacaq. Bu komandalar arasında 1-ci dövrənin oyunu Naxçıvan təmsilçisinin 2:0 hesablı qələbəsi ilə bitib.

Günün 2-ci oyunu isə “Palms Sports Arena”da oynanılacaq. Burada "Neftçi" "Zirə"ni qəbul edəcək. Oyun saat 19:00-da start götürəcək. Sözügedən komandaların 1-ci dövrədəki qarşılaşmasında 2:2 hesabı qeydə alınıb.

Hazırda turnir cədvəlində "Zirə" 28 xalla 3-cü, "Araz-Naxçıvan" 26 xalla 6-cı, "Neftçi" 20 xalla 8-ci, "İmişli" isə 17 xalla 9-cudur. Sıralamaya 37 xala malik "Sabah" liderlik edir.

23 yanvar (cümə)

14:30. “İmişli” – “Araz-Naxçıvan”
Hakimlər: İnqilab Məmmədov, Rahil Ramazanov, Tərlan Talıbzadə, Əli Əliyev
VAR: Elçin Məsiyev
AVAR: Namiq Hüseynov
Quba OİK stadionu

19:00. “Neftçi” – “Zirə”
Hakimlər: Fərid Hacıyev, Cəmil Quliyev, Asiman Əzizli, Kamran Əliyev
VAR: Rauf Cabarov
AVAR: Eyyub İbrahimov
“Palms Sports Arena”