Bu gün Misli Premyer Liqasında 3-cü turdan təxirə salınmış bir oyun keçirilib.

Pressing.az xəbər verir ki, “Araz-Naxçıvan” “Zirə”nin qonağı olub. Görüş Naxçıvan klubunun 1:0 hesablı qələbəsi ilə bitib.

Beləliklə, "Araz-Naxçıvan" turnir cədvəlində 27 xalla 2-ci, "Zirə" isə 20 xalla 4-cü yerdədir.

Bu komandaların 2-ci dövrədə - 11-ci turdakı matçı 1:1 hesabı ilə başa çatıb.

6 noyabr

3-cü turdan təxirə salınmış oyun

19:00 "Zirə" – "Araz-Naxçıvan" - 0:1

Qol: Ürfan Abbasov, 48
Hakimlər: Rauf Cabarov, Eyyub İbrahimov, Asiman Əzizli, Kamran Əliyev
Zirə İdman Kompleksinin stadionu