"Sabah" və "Araz-Naxçıvan"dan qələbə – YENİLƏNİB

Bu gün Misli Premyer Liqasında 15-ci tura start verilib.

Pressing.az xəbər verir ki, ilk gündə 2 görüş keçirilib.

Əvvəlcə "Araz-Naxçıvan" "Turan Tovuz"u qəbul edib. Matç naxçıvanlıların 1:0 hesablı qələbəsi ilə bitib.

Günün son oyununda isə "Sabah" "Səbail"lə üz-üzə gəlib. Bu, "Sabah"ın rusiyalı Vasili Berezutskinin rəhbərliyi altında ilk oyunu, eləcə də onun karyerasında baş məşqçi kimi ilk matçı olub.

Qarşılaşma meydan sahiblərinin 1:0 hesablı qələbəsi ilə başa çatıb.

Beləliklə, "Sabah" turnir cədvəlində 22 xalla 4-cü, "Səbail" isə 8 xalla 9-cu yerdədir.

Qeyd edək ki, turun digər görüşləri 30 noyabr və 1 dekabr tarixlərində keçiriləcək.

29 noyabr (cümə)

19:00. “Sabah” – “Səbail” - 1:0

Qol: Coy Lens Mikels, 29

Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev

VAR: Rauf Allahverdiyev

AVAR: Rəhman İmami

“Bank Respublika Arena”

16:00. “Araz-Naxçıvan” – “Turan Tovuz” - 1:0

Qol: Felipe Santos, 75

Hakimlər: Cavid Cəlilov, Kamran Bayramov, Müslüm Əliyev, Nicat İsmayıllı

VAR: Rauf Cabarov

AVAR: Eyyub İbrahimov

“Liv Bona Dea Arena”