Bu gün Misli Premyer Liqasında 17-ci tura start verilib.

Pressing.az xəbər verir ki, günün ikinci görüşündə “Araz-Naxçıvan” öz meydanında “Sabah”ı sınağa çəkib. Görüş qonaqların 1:0 hesablı qələbəsi ilə bitib.

Beləliklə, Naxçıvan təmsilçisinin 15 oyun davam edən məğlubiyyətsizlik seriyası başa çatıb.

"Araz-Naxçıvan" turnir cədvəlində hazırda 39 xalla lider, paytaxt təmsilçisi isə 26 xalla beşincidir.

Qeyd edək ki, günün ilk oyununda “Şamaxı” öz meydanında “Səbail”i sınağa çəkib. Görüş qolsuz heç-heçə ilə başa çatıb.

17-ci tur

14 dekabr (şənbə)

16:30. “Araz-Naxçıvan” - “Sabah” - 0:1

Qol: Coy Lens Mikels, 78
Hakimlər: İnqilab Məmmədov, Namiq Hüseynov, Rahil Ramazanov, Əli Əliyev
VAR: Elçin Məsiyev
AVAR: Elşad Abdullayev
Liv Bona Dea Arena