"Araz-Naxçıvan" və "Sabah"dan qələbə - YENİLƏNİB

Azərbaycan Premyer Liqasında 2-ci tur davam edir.

Pressing.az xəbər verir ki, 3-cü oyun günündə 2 matç keçirilib.

Əvvəlcə “Şamaxı” öz meydanında “Sabah”ı qəbul edib. “Qarabağ”la ilk turun matçı təxirə salındığından bu, paytaxt təmsilçisinin yeni mövsümdə ilk oyunu olub. “Şamaxı” isə birinci turda “Neftçi” səfərindən 1 xalla (1:1) qayıdıb.

Qarşılaşma Masazır təmsilçisinin 2:1 hesablı qələbəsi ilə başa çatıb.

Günün ikinci görüşündə isə “Turan Tovuz” və “Araz-Naxçıvan” üz-üzə gəlib. Görüş Naxçıvan təmsilçisinin 2:1 hesablı qələbəsi ilə yekunlaşıb.

Tovuz klubu ilk turda səfərdə “İmişli”yə qalib gəlib (1:0). Naxçıvan təmsilçisi isə “Zirə” ilə xalları yarı bölüb (1:1). Bu görüşün start fiti 19:30-da səslənib.

24 avqust (bazar)

19:30. “Turan Tovuz ” - “Araz-Naxçıvan” - 1:2

Qollar: Şarl Boli, 38 (0:1), Ba-Muaka Simakala, 53 (0:2), Alexandro Serrano, 78 - pen. (1:2)
Hakimlər: Tural Qurbanov, Asiman Əzizli, Rəhman İmami, Əkbər Əhmədov
VAR: Elçin Məsiyev
AVAR: Pərvin Talıbov
“Azersun Arena”

17:00. “Şamaxı” - “Sabah” - 1:2

Qollar: Coy-Lens Mikels, 1 (0:1), Dioqo Balau, 59 (1:1), Coy-Lens Mikels, 76 (1:2)
Hakimlər: Rəşad Əhmədov, Vüsal Məmmədov, Akif Əmirəli, Kamran Əliyev
VAR: Əliyar Ağayev
AVAR: Zeynal Zeynalov
Şamaxı şəhər stadionu