"Qarabağ" və "Şamaxı" fasiləyə qələbə ilə yollandı - YENİLƏNİB

Bu gün Misli Premyer Liqasında 18-ci tura yekun vurulub.

Pressing.az xəbər verir ki, sonuncu - 3-cü oyun günündə 2 matç keçirilib.

Əvvəlcə "Şamaxı" "Sabah"ı qəbul edib. Görüş meydan sahiblərinin 3:1 hesablı qələbəsi ilə bitib.

Tura və ilə isə “Qarabağ” – “Araz-Naxçıvan” oyunu ilə yekun vurulub. Tofiq Bəhramov adına Respublika stadionunda oynanılan qarşılaşma Ağdam təmsilçisinin 2:0 hesablı qələbəsi ilə başa çatıb.

Turnir cədvəlində "Qarabağ" 47 xalla 1-ci, "Araz-Naxçıvan" 39 xalla 2-cidir. Beləliklə, komandalar arasında fərq 8 xala çatıb.

Qeyd edək ki, bugünkü oyunlarda Misli Premyer Lqiasında 2-ci dövrəyə yekun vurulub və komandalar qış fasiləsinə yollanıb. Çempionatda 3-cü dövrə isə 2025-ci il yanvarın 17-də start götürəcək.

22 dekabr

16:30.“Qarabağ” – “Araz-Naxçıvan” - 2:0

Qol: Yassin Benzia, 41, Abdullah Zubir, 71
Hakimlər: Rəvan Həmzəzadə, Cəmil Quliyev, Şirmamed Mamedov, Əkbər Əhmədov
VAR: Rauf Cabarov
AVAR: Akif Əmirəli

Tofiq Bəhramov adına Respublika Stadionu

14:00.“Şamaxı” – “Sabah” - 3:1

Qollar: Edqar Adilxanov, 23 (1:0), Pavol Safranko, 38 (1:1), Belajdi Pusi, 55 (2:1), Leroy Mikels, 62 (3:1)
Hakimlər: Cavid Cəlilov, Kamran Bayramov, Müslüm Əliyev, Əli Əliyev
VAR: Rəşad Əhmədov
AVAR: Vüsal Məmmədov

Şamaxı şəhər stadionu