Bu gün Misli Premyer Liqasında 22-ci tura start verilib.

Pressing.az xəbər verir ki, ilk oyun günündə 2 matç keçirilib.

Əvvəlcə "Şamaxı" "Sumqayıt"ı qəbul edib. Görüş meydan sahiblərinin 1:0 hesablı qələbəsi ilə bitib.

Günün digər qarşılaşması isə "Sabah" və "Turan Tovuz" arasında olub. Oyun Bakı təmsilçisinin 2:1 hesablı qələbəsi ilə başa çatıb.

Beləliklə, "Sabah" turnir cədvəlində 31 xalla 5-ci, "Turan Tovuz" isə 36 xalla 4-cüdür.

Bu komandaların 1-ci dövrədəki matçında 2:2 hesabı qeydə alınıb. 2-ci dövrənin görüşü isə 1:1 hesabı ilə yekunlaşıb.

Misli Premyer Liqası, 3-cü dövrə, 22-ci tur

9 fevral

17:00. “Sabah” – “Turan Tovuz” - 2:1

Qollar: Aleks Souza, 15 (0:1), Pavol Şafranko, 50 - pen. (1:1), Cessi Sekidika, 59 (2:1)

Hakimlər: İnqilab Məmmədov, Namik Hüseynov, Rahil Ramazanov, Elvin Bayramov.

VAR: Cavid Cəlilov.

AVAR: Eyyub İbrahimov.

“Bank Respublika Stadionu”