Bu gün Misli Premyer Liqasında 26-cı tura yekun vurulub.

Pressing.az xəbər verir ki, son oyun günündə iki görüş keçirilib.

"Neftçi" öz meydanında "Turan Tovuz"la qarşılaşıb. Matç 1:1 hesablı heç-heçə ilə başa çatıb.

Beləliklə, "Neftçi" turnir cədvəlində 28 xalla 6-cı, "Turan Tovuz" isə 43 xalla 4-cü pillədə yer alıb.

Bu komandalar arasında ilk dövrədə keçirilən görüşdə qol vurulmayıb. İkinci dövrənin oyununda da bərabərlik qeydə alınıb - 1:1.

Bu gün "Sumqayıt" - "Kəpəz" matçı da keçirilib. Oyun "kimyaçılar"ın 3:0 hesablı qələbəsi ilə bitib.

10 mart

19:30. “Neftçi” – “Turan Tovuz” - 1:1

Qollar: Bassala Sambu, 88 (1:0), Hayderson Hurtado, 90+5 (1:1)

Qırmızı vərəqə: Emmanuel Hakman, 18 ("Turan Tovuz")

Hakimlər: Rəvan Həmzəzadə, Cəmil Quliyev, Zöhrab Abbasov, Kamran Əliyev.

VAR: Rauf Cabarov.

AVAR: Akif Əmirəli.

"Neftçi Arena"

17:00. “Sumqayıt” – “Kəpəz” - 3:0

Qollar: Roi Kehat, 20, 51, Nihad Əhmədzadə, 90+3

Hakimlər: İnqilab Məmmədov, Namik Hüseynov, Rahil Ramazanov, Elçin Məsiyev.

VAR: Nicat İsmayıllı.

AVAR: Teymur Teymurov.

Mehdi Hüseynzadə adına Sumqayıt şəhər stadionu