"Qarabağ" sərhədləri aşıb, xeyli irəli gedib. Komandanın uğurları hamımızı sevindirir, hər birimiz qürur duyuruq. Klubun rəhbər heyətinə, Qurban müəllim başda olmaqla məşqçilər korpusuna, futbolçulara, bütün işçi kollektivinə təbrik düşür. Belə bir durumda Avropanın bir nömrəli klub turnirində bu cür oyun nümayiş etdirib, ardıcıl qələbələr qazanırlar".

Bu sözləri Pressing.az-a açıqlamasında "Qarabağ"ın sabiq futbolçusu, hazırda "Araz-Naxçıvan" klubunun məşqçilər korpusunda yer alan Əfran İsmayılov deyib.

O, Ağdam təmsilçisinin bu templə irəliləyəcəyinə və qarşıdakı oyunlarda da yaxşı nəticələr qazanacağına inandığını söyləyib:

"Qarabağ" vaxtilə bu komandalardan da güclü kollektivlərə qarşı layiqli mübarizə aparıb. İnanıram ki, qarşıdakı oyunlarda bu qələbələrin davamı gələcək. Çünki Qurban Qurbanovda o xarakter var. Hər zaman sadə, səmimidir, heç kimə yuxarıdan aşağı baxmır. Nə qədər uğur qazansa da, həmişə başını aşağı salıb, işini görür. Onu ucaldan da budur. Qarşıda çətin oyunlar var. Ümidvaram ki, "Qarabağ" bu templə növbəti matçlardan da xal və xallarla ayrılacaq. Açıq danışsaq, "Qarabağ"dan bu qədərini gözləmirdik, amma sərhədləri aşdılar. Həqiqətən də möhtəşəm uğurdur. Dualarımız təmsilçimizlədir. Bundan sonrakı qarşılaşmalarda da uğurlar arzu edirəm".

Daşqın Əziz