İranın futbol üzrə ll liqasında mübarizə aparan "Qızıl Günəş" klubu "Qarabağ"ı UEFA Avropa Liqasının pley-off mərhələsinə vəsiqə qazanması münasibətilə təbrik edib.

Mazandaran təmsilçisinin baş məşqçisi təyin edilən həmyerlimiz Nadir Qasımov "Qızıl Günəş" rəhbərliyinin təbrikini Pressing.az saytı vasitəsilə "Qarabağ" klubuna çatdırıb:

"Qarabağ"ı başda klubun prezidenti Tahir Gözəl olmaqla, baş məşqçi Qurban Qurbanovu, onun köməkçilərini, futbolçuları və komandanın bütün azarkeşlərini təbrik edirəm. "Qızıl Günəş" klubunun prezidenti, Rəyasət Heyəti adından da "Qarabağ"a səmimi qəlbdən təbriklərimizi çatdırırıq. Ağdam təmsilçisinin bu uğuru "Qızıl Günəş" cəbhəsində də böyük sevinclə qarşılandı. "Qarabağ"a qarşıdakı oyunlarda da uğurlar arzu edirik!".

Qeyd edək ki, Nadir Qasımov İrana yollanmazdan əvvəl "Şuşa Qalası" komandasına rəhbərlik edirdi.

Pressing.az