"Turan Tovuz"la oyunda dizimdən zədələndikdən sonra məşqçi və klubla danışdım ki, özümə və hər məşqdə çox çalışan komanda yoldaşlarıma hörmət etdiyim üçün 100% özümü hazır hiss etməsəm, oynamayacağam".

Bu sözləri Pressing.az-a açıqlamasında "Sabah"ın seneqallı müdafiəçisi Abdulaye Ba deyib. 32 yaşlı futbolçu Premyer Liqanın 30-cu turu çərçivəsində ötən gün lider "Qarabağ"ı 2:1 hesabı ilə məğlub etdikdən sonra fikirlərini bölüşüb.

"Bu il hədəfimizə çatmaq klubda bütün oyunçular üçün çox vacibdir. Qələbənin gələcəyini bilirdim və buna inanırdım. Komandada yer boşaldı (özünün oynamasını nəzərdə tutur - red) və biz çox vacib üç xal qazandıq. Mənə və təcrübəmə güvənmələri ilə qürur duyuram və 2 aylıq fasilədən sonra azarkeşlərimizin qarşısına qayıdıb, onlara bu qələbəni qazandırdığım üçün xoşbəxtəm".

Elsevər Muradzadə