İki gün əvvəl "Qarabağ"dan ayrılan Patrik Andrade karyerasını yenidən Azərbaycanda davam etdirəcək.

Pressing.az-a verilən informasiyaya görə, kabo-verdeli mərkəz yarımmüdafiəçisi "Neftçi" ilə anlaşıb.

32 yaşlı futbolçunun "ağ-qaralar"da qazanacağı məvacib də məlumdur.

Redaksiyamıza verilən məlumata əsasən, Andrade paytaxt klubunda illik 400 min avro qazanacaq.

Onu da diqqətinizə çatdıraq ki, təcrübəli futbolçu "Zirə"nin də "radar"ında idi. Fəqət o, "qartallar"ın təklifindən imtina edib və "Neftçi"yə üstünlük verib.

Pressing.az