"Qarabağ" ötən gün dörd futbolçuyla yeni müqavilə imzalanmadığını bəyan edərək, onlara uğurlar arzuladı.

Həmin oyunçulardan biri də İsmayıl İbrahimlidir.

Artıq 27 yaşlı mərkəz yarımmüdafiəçisinin yeni ünvanı məlumdur.

Pressing.az-a daxil olan məlumata görə, İbrahimli son iki mövsümü icarə əsasında keçirdiyi "Zirə" ilə müqavilə bağlayıb. Sövdələşmənin müddəti isə iki ildir.

O, qəsəbə təmsilçisində aylıq 15 min manat məvacib alacaq.

Qeyd edək ki, "Qarabağ" dünən İsmayıl İbrahimli ilə yanaşı, Marko Veşoviç, Patrik Andrade və Yassin Benziyayla yollarını ayırdığını açıqlayıb.

Pressing.az