"Zirə" "Qarabağ" klubundan icarəyə götürdüyü İsmayıl İbrahimli və Rüstəm Əhmədzadə ilə müqaviləsini uzadıb.

Pressing.az xəbər verir ki, bu barədə klubun saytı məlumat yayıb.

26 yaşlı yarımmüdafiəçi və 23 yaşlı hücumçu daha 1 illik icarəyə götürülüb. Futbolçular növbəti mövsümün sonuna qədər "Zirə"də çıxış edəcəklər.

Qeyd edək ki, Rüstəm 2022-ci ilin yayından, İsmayıl isə 2023-cü ilin yayından paytaxt təmsilçisində oynayır.